غناوي علم ومقاطع شعر شعبي /// مسجات

[برنس الهلال]

السلام عليكم ورحمة الله وبركاته
هذه بعض غناوي العلم
وبعض المقاطع من الشعر الشعبي
( سرقتها لكم من نقال صديقي )
أرجو أن تنال إعجابكم

>>>>>>>>>><<<<<<<<<<<



كلك روعه *** كيف العسل في الريق وقت بلوعه
وكيف القمر في الليل وقت طلوعه.

امغير نتقو بالعزم *** غيبة عزيز عالعين واعره

عزيز هو دواي وداي *** ومشكاي وطيبتي وعلتي

طروك طرت نطري فيك *** انسيت قول ناسيك ياغني.

امرضي بالبكا دوايت *** ابريت والبكا بات لي مرض

العين في ربيع غلاك *** تطلب الله ما يوم تفقدك

العين انكان قطعت الحن *** اتشيل نظرها غير لمن .

الخاطر عالنقال اعيونه *** جن اجنونه
يرجى في رنات حنونه

غوالي هم رصيد العقل *** حتي بلا رنات يخطروا

ازعمة بيني وبين عزيز محنه *** يقفز وين اتجيه الرنه

بكا من جده *** سالن ادموعه نين غطن خده
امرايف عليك العقل واصل حده.

بلا خوت ماتقدرها *** الدنيا صعيبه كان جاك خبرها

بلاك دقيقة *** اعزومي علي صوبك الحق رقيقة
لا قدرت ولا نقدر بلاك دقيقة

.لو كنا في سوق الغلا تجار *** رصيدي بغلاك يطق للمليار
ومازال نربحوا

نساقط عوين أو جمر *** تميت نار من نار القدم

ألعين دايرة ألعزيز *** مكان فالغلا كيف روحها

أمغير تبقي راضي *** أنسيب الدواء
و يبرن جميع إمراضي

أيام الدلال اخطرن *** بلا عزيز ما عاد نحملوا

نريد وطن موتي هله *** علي عزيز نبكي ابغايتي

قديم ماانموت عليه *** نلاقوله بديل اوينتسا

العقل لا أتزيد عليه *** متضايق اللي فيه ساده

اولا عرفت نشقي بيك *** اولاقدرت ننساك ياغلا

أنشوفك رايق *** لا تحير لا تشقي ولا تضايق
اللي أنريدها ديمه أنشوفك رايق.

انريد عزم مانلقاه *** وين يا غوالي تخطروا

أنحطك في العين و نعدم نظرها *** والروح لو تنساك نقطع خبرها

بلاهم يريد ايحمل *** كذاب خاطري كان قالها

تضايق اتريد اتموت *** يطرو نباك للعين تنفرج

تقطير مو طمع في دلو *** بلت أرياق للعين سادة

توارو وين اصحاب الراي *** نظر خلولي دوب خطاي.

جاكم جاكم *** أيدور علي سبله أيحط احذاكم
الخاطر توصوا بيه راهو جاكم

جثامة افراق عزيز *** تقتل أمغير مازال يومنا

حتي والجديد احذاي *** مسروق ركن عيني للقدم

حولت ع البكاء وحملت *** ووحلت نين رديت ع البكاء

خذيت ياعزيز عليك *** اتغيب ويش يبقي حالنا,,

خلا خلا *** راك تقربا تلقاه ينزف كله
جرح القديم ما التم خلا خلا.

سلام خاص *** علي ناس ماهم رخاص
لا يمل القلب منهم ولا يقول خلاص .

سلام دافي *** مبعوث مع حنين إريافي
للناس الغاليه يلي بالود تكافي

سلامي عليهم طيبين العشرة *** أصحاب الوفا نبصملهم بالعشرة

شيال للمواجع كنت *** واليوم كل شي صاعب علي

صوت الغلا في خاطري يدعيلك *** كل الهناء والخير متمنيلك

عزيز لو ايجيني حلم *** نبداانغفي مااليل لولي

عزيز من حنين الكبد *** عندي غلاه وزياده اشوي

علي ماشرب ماراق *** عطشان صوب مازال خاطري

غلاك هو شقيق العقل ان *** عاش خوه وان مات يورثه

في صميم كيانه *** فالقلب وفي نبضه وفي شريانه
غلاك مندفن

كلام أمصوقر موش أقطاف *** علي أتعزوا يالولاف.

كيف الموج ماتقدراتعده *** غلاك منتشر في القلب فايت حده.

كيف السحاب العالي *** قدرك كبير ودوم عندي غالي
ومازلت ترقا
لا عيب درنا لا بخلنا بود *** امغير بخت ما ينشد علينا حد..

مالا مداوي *** لا نفع فيه كي لا كيماوي
غلاه منتشر في القلب مالا مداوي


>>>>>>>>>>> مهداة لإعضاء منتدى ليبيانا <<<<<<<<<<<

ولمحبي غناوي العلم والشتاوات تفضلوا بزيارة
بقية الصفحات فستجدون ما يرضيكم
إن شاء الله

[عمر سعد]

صديقى البرنس

وصل إهداءك الجميل

دمت بألف خير ولك الود

[برنس الهلال]

المشاركة الأصلية كتبت بواسطة عمر سعد صديقى البرنس وصل إهداءك الجميل دمت بألف خير ولك الود

تشرفت بمرورك عمر سعد
وأشكرك على الرد الجميل
دمت بود

[بنت سرت]

مـا يوجعـك جـرح الغـريـب ... تـنـسـاهـا والا تـــــرده
اللـي يوجعـك جـرح الحبيـب ... وقـسـوة مـلامـه وصـــده
والدنـيـا ايقـولـوا مكاتـيـب ... مـرات يسـر مــرات شــده
وماعـيـب خـاطـي العـيـب ... وخونـت اصـحـاب الـمـوده
---------------
-2-
بُعد الخطا بيناتنا ماباعدك من بالي ... مازلت فالخاطـر عزيـز وغالـي
حـتــى بـقــل سـوالــك ... اشـتـقـنـا وحـنـيـنـالـك
كيـف قـبـل لـيـك مكـانـه ... طـيـفـك رفـيــق مـعـانـا
ومــازال قــدرك عـالـي
-----------------
-3-
العيـن فالشقـا مــن يومـهـا ... مـطـاول سـريـب اهمومـهـا
عذبـهـا رفـيـق الـصــوب ... ومـابـت عـلـيـه اتـــوب
تـقـول فالغـطـا مـكـتـوب ... يخطـر عزيـز ساعـة نومهـا
----------------
-4-
اصحاب المعالـي والمقـام كبيـر ... غايبين وانشا الله المانـع خيـر
لاراســلــوا لا طــلـــو ... زعـم مــن رفقـنـا مـلـوا
ماهـمـش كـيــف الـغـيـر ... اصـحـاب المـقـام كـبـيـر
--------------
-5-
مـن قـالـك تخـطـر عـلـي ... مـافـيـه يـــوم ذكـرتــك
ولا يــوم لـــك حـنـيـت ... لاعــــبــــرتـــــك
ولاجـبـت مــرة سـيـرتـك ... ولاشاغلـتـنـي حـيـرتــك
ولاجال طيفك في خيال احلامي
ولاسهرت لاشاكيت فيك ايامي
من قبل لاتزعل جميع كلامـي
اللي فات خوذه عكس ماخبرتك
-6-
صـبـاح الـغـلا والـشــوق ... والـــــود والـحـنـيــة
عـلـي باهـيـيـن الـــذوق ... عـلــي طيـبـيـن الـنـيـة
---------------
-7-
جيابة الخبر قالو انـك ناسينـي ... رديت ماعمـره عزيـز ايديرهـا
حتى ولو شفت الخبـر وبعينـي ... مانصدقه ونقول عينـي خيرهـا
---------
-8-
ابعثـلـي حـتــى مـرســال ... فـي وطـن الشـوق ايصبرنـي
مــادام اغـيـابـك مـــازال ... طـمـن قلـبـي ياهـاجـرنـي
يكفيـنـي حارمـنـي شـوفـك ... ماتبـخـل حـتـى بـحـروفـك
ديـمـا تـسـبـل بـظـروفـك ... نــاوي عالفـرقـة تجبـرنـي
-----------
-9-
ابــعـــث مـراسـيـلــك ... ماتغيب عني دزلي احكي ونحكيلك
بحـلـو الرسـايـل ودنـــي ... حنـيـتـلـك مـاتــردنــي
وقــــول افمـقـاويـلـك
رايـفـت والـدمـع العـصـي ... غــطـــى مـنـاديـلــك
---------
-10-
طـولـت فالجـيـة اشتقنـالـك ... زعم نخطروا ديمـا علـي بالـك
وانــت بـعـيـد افـكـارنـا ... كـــل يـــوم تـرحـلـلـك
وانــت بـعـيـد ازهـارنــا ... تـنـشـد عـلــي ظــلــك
مالـبـعـد مـــا مـلـيــت ... ولـلّــه عـلـيـه خـذيــت
صــابـــر هـنـيــالــك ... اشــتــقـــنـــالـــك

[سنا]

أحلى مسجات قريتها يابرنس

[برنس الهلال]

بنت سرت تشرفت بمرورك ورك وهذه المقاطع الرائعة بالفعل
ولا يحرمني من مرورك
ودمت بود

[برنس الهلال]

سنا الأحلى ذوقك ومشكورة على المرور
وعلى الكلمات المشجعة
ولا حرمت جميل مرورك
ودمت بود

[بنت سرت]

أغانــي علــــم
إن هانت على إيهون ÿÿ عزيز كيف عينى ليمينة
عطها العين عما ياغالى zz كان دارات فى غيابك والى
البخت عانــــــــــد المكتــــــــــوب ÿÿ قال ليــــش لـــــولاف يصعبــــو
بأذن الله يصير غلاهم zz نــدلع فـــى الحــــوش معــاهــــم
على من إنريد إنجول ÿÿ بعد عزيز ياطول عازتى
ياعينى انشا لله تحقيه zz عزيز اللى مشتاقة لية
أوحلت فى ظلال العين ÿÿ مشكاها بعيد وأمرايفة
درنا صـــوب بعيـــد الـــجــوبة zz وانشـــا الله هلنــــا يـــرضـــوبــــــة
طـــــير فى أسمــــاء حــــوام ÿÿ نطــــق وقال لــــولاف يقسمــــو
يسلــم عليـــك العقــــل ÿÿ ســــلام حـــاربلوعــات خـــاطري
العقل حــــار في الأمور zz شكــــواة عيب وسكوتـــة مرض
مش كل شي من الوقت ÿÿ حتى الهل فينا شاركوا
انعانـــد النـــاس واليـــاس zz وراء عــــزيز مازال خـــاطــري
تفـــــارق إمعـــاه الروح ÿÿعــــزيز كان يا عين فــارقك
اصبر امعاي وداوي الجرح zzولا تيأس من طول الرجاء
عـــزيز يبـــوني ننساه ÿÿإقـــدامي قصـــاد داره إيجن

[برنس الهلال]

مشكورة بنت سرت مبدعة
وهذين شتاوي وغناوي علم أهداء لك ولجميع الأعضاء

الخاطر جرحه ما داووه *** علي كل اسبيتار رموه
الخاطر طول الليل ايجض **** وهلنا يحسابوه مرض
الخاطر من قلة الدبار *** يكبر في نار على نار
الي ما قاس النار ايقول *** امغير اصبر شده وتزول
سيل الياس خذاناسرقه *** لا غيم لا شكع برقه
انتى سبايبه ياعين *** غلا عزيز لو لاك ما رسم
اعزاز مالكين العقل *** ينساهم منامه ايجيبهم
العقل ما ينام الليل *** سطير جرج لولاف سمره
العقل يا ابعاد الدار *** يمسى معاي ويبات عندكم
الدمع ما ايجلى الياس *** ايزيدكن ارياف وتنعمن

وانتظروا المزيد

دمتم في حفظ الرحمن

[وردة الصحراء]

بارك الله فيكما ... وأشكر لكما مجهودكما

بيني وبين ضميري .. أنموت خيرلي من يحوزك غيريي ... الله ابسامحك بيني وبين ضميري

وين أحابا .. عقبني عليه الياس سل اطنابا ... بيت الغلا مصروع ويت أصحابا

كيف أنطوله .. طلبت العزيز وشبكته مشغولة ... أنريد ننشده عالحال كيف أنطوله

ماننساهن .. أنظار الغوالي مانعيش بلاهن ... اليوم خاطري مشغول من يلاهن

جاته هزة .. بابه تخلخل ناقصاته رزة .. قلبي عليك اليوم جاته هزة

لو يطول أبعادك .. أفهم كلامي في الكنين أقعادك ... مايوم تنتسى

إن شاء الله تنال إعجابكم المسجات الشعرية

مع تحياتي